За MVV
MVV е креативен колектив што работи во широкото поле на дизајнот и секој проект го сфаќа како посебна студија на случај. Мултидисциплинарната основа ни овозможува обемен метод на развој на проектите, втемелен во истражување и експеримент, со цел постигнување формална, функционална и естетска сингуларност.
Костантин Трпеноски го основа студиото во 2010 година како креативно средиште. Тоа овозможи плодна соработка со бројни извонредно талентирани дизајнери, архитекти и уметници на најразлични дизајнерски проекти, од кои многумина добија значајни признанија и награди.
Во изминатата деценија MVV реализираше широк опсег проекти – од производен и графички дизајн, преку ентериер и сценографија, до станбена и јавна архитектура и урбанизам. Денес студиото работи од Виена и Скопје, а сè повеќе дејствува и меѓународно.
Убедени сме дека добриот и промислен дизајн суштински го подобрува квалитетот на животот, ги обновува културните и општествените вредности и е клучен за еколошката одржливост. За нашата работа да одговори на овие големи предизвици, применуваме холистичка стратегија на дизајн и вложуваме знаење, време и внимание во секоја фаза од процесот – од идејното решение до деталното планирање и авторскиот надзор.
Преку внимателна анализа на контекстот, барањата, буџетот и аспирациите, секој проект го водиме кон неговиот максимален потенцијал, создавајќи складна целина што подеднакво ги изразува прагматичните и уметничките квалитети.
Награди и признанија
2023 • Најдобра сценографија • Vojdan Chernodrinski Award • The Curious Incident of the Dog in the Night-Time • Drama Theater – Skopje
2021 • Пофалница • Buildner (Bee Breeders), Architecture Competition • Yoga House on a Cliff • Oleiros, Portugal
2019 • Најдобра сценографија • Vojdan Chernodrinski Award • Macbeth • Macedonian National Theatre
2018 • 1. награда • City of Wels, Urban Design Competition • Lokalbahnhof Areal • Wels, Austria
2013 • 2. награда • City of Vienna, Architecture Competition • School Campus Attemsgasse • Vienna, Austria
2011 • 1. награда • City of Struga, Architecture Competition • Pedestrian Bridge Over The Crn Drim River • Struga, Macedonia